„Ég er virkilega ánægður með þennan sigur í dag, 2-0 heima.“ sagði Viktor Freyr Sigurðsson, markvörður Fram, eftir 2-0 sigur á ÍBV á Lambhagavellinum í dag.
Lestu um leikinn: Fram 2 - 0 ÍBV
Viktor er sáttur með sigurinn en fannst liðið geta gert betur.
„Mér fannst við þannig séð ekkert sérstakir í dag. En það er sterkt þegar þú vinnur 2-0 en átt ekkert þinn besta leik.“
Var mikilvægt fyrir Fram að ná inn tveimur mörkum tiltölulega snemma?
„Já það er mjög fínt að ná mörkunum snemma en við megum aldrei leggjast til baka og fara að hvíla okkur eitthvað þá verður okkur refsað.“
Varð Viktor stressaður í seinni hálfleiknum þegar Kennie Chopart bjargaði á línu og margir héldu að dómarinn hafi dæmt mark?
„Nei þannig séð ekki. Kennie stendur fyrir sínu og ég var ekkert stressaður.“
Vildi Viktor sjá sína menn nýta skyndisóknirnar betur?
„Algjörlega. Við vorum að klikka á auðveldum sendingum og taka vitlausar ákvarðanir. Við vorum oft að reyna erfiðar sendingar í staðinn fyrir að halda aðeins meira í boltann.“
Viðtalið við Viktor Frey má sjá í heild sinni hér að ofan.
Athugasemdir
